தீபாவளி ஸ்பெஷல்: ‘ராமாயணா’ படத்தின் ரிலீஸ் தேதி அறிவிப்பு!

ரன்பீர் கபூர், சாய் பல்லவி, யாஷ் நடிப்பில் பிரம்மாண்டமாக உருவாகியுள்ள ‘ராமாயணா’ திரைப்படத்தின் முதல் பாகம் நவம்பர் 6-ம் தேதி வெளியாகிறது.

நிதேஷ் திவாரி இயக்கத்தில் உருவாகி வரும் பிரம்மாண்ட திரைப்படம் ‘ராமாயணா’. இந்திய இதிகாசமான ராமாயணத்தை அடிப்படையாகக் கொண்டு உருவாகும் இப்படத்தில் ரன்பீர் கபூர் ராமராகவும், சாய் பல்லவி சீதையாகவும், யாஷ் ராவணனாகவும் நடித்துள்ளனர்.

இரண்டு பாகங்களாக உருவாகும் ராமாயணா

‘ராமாயணா’ திரைப்படம் இரண்டு பாகங்களாக உருவாகியுள்ளது. முதல் பாகத்தில் ராமர் மற்றும் சீதையின் வனவாச வாழ்க்கை மற்றும் ராவணனால் சீதை கடத்தப்பட்டதைத் தொடர்ந்து நடைபெறும் நிகழ்வுகள் இடம்பெறுகின்றன.

படத்தின் முதல் பாகத்துக்கான டிரெய்லர் சமீபத்தில் வெளியாகி ரசிகர்கள் மத்தியில் கவனம் பெற்றது.

நவம்பர் 6-ல் ரிலீஸ்

இந்த நிலையில், ‘ராமாயணா’ படத்தின் முதல் பாகத்தின் வெளியீட்டு தேதி அதிகாரப்பூர்வமாக அறிவிக்கப்பட்டுள்ளது.

அதன்படி, 2026-ம் ஆண்டு தீபாவளியை முன்னிட்டு நவம்பர் 6-ம் தேதி ‘ராமாயணா’ முதல் பாகம் உலகளவில் திரையரங்குகளில் வெளியாகிறது.

இரண்டாம் பாகம் அடுத்த ஆண்டு தீபாவளியையொட்டி வெளியாகும் என எதிர்பார்க்கப்படுகிறது.

ஏ.ஆர். ரகுமான் – ஹான்ஸ் சிம்மர் இசை

‘ராமாயணா’ படத்தை சோனி பிக்சர்ஸ் என்டர்டெயின்மென்ட் நிறுவனம் தயாரித்துள்ளது. இசைப்புயல் ஏ.ஆர். ரகுமான் மற்றும் ஹாலிவுட் இசையமைப்பாளர் ஹான்ஸ் சிம்மர் ஆகியோர் இசையமைத்துள்ளனர்.

இந்திய மொழிகளில் மட்டுமின்றி ஆங்கிலத்திலும் ‘ராமாயணா’ திரைப்படம் வெளியாக உள்ளது.