தமிழகத்தில் பால் உற்பத்தியாளர்களுக்கு கூடுதல் வருவாய் கிடைக்கும் வகையில், ஆவின் பால் கொள்முதல் விலையை லிட்டருக்கு மேலும் ரூ.3 உயர்த்தி ரூ.44 ஆக வழங்கப்படும் என முதல்-அமைச்சர் விஜய் சட்டப்பேரவையில் அறிவித்துள்ளார்.
ஏற்கனவே ரூ.41 ஆக உயர்த்தப்பட்டிருந்தது
ஆவின் நிறுவனத்திற்கு வழங்கப்படும் பாலின் கொள்முதல் விலை ஏற்கனவே லிட்டருக்கு ரூ.38-ல் இருந்து ரூ.41 ஆக உயர்த்தப்பட்டிருந்தது. தற்போது மேலும் ரூ.3 உயர்த்தப்பட்டு, புதிய கொள்முதல் விலை லிட்டருக்கு ரூ.44 ஆக நிர்ணயிக்கப்பட்டுள்ளது.
உற்பத்திச் செலவு அதிகரிப்பு
கறவை மாடுகளுக்கான தீவனம் உள்ளிட்ட பல்வேறு இடுபொருட்களின் விலை தொடர்ந்து உயர்ந்து வருவதால், பால் கொள்முதல் விலையை அதிகரிக்க வேண்டும் என பால் உற்பத்தியாளர்கள் அரசிடம் கோரிக்கை விடுத்திருந்தனர். இதனைத் தொடர்ந்து இந்த விலை உயர்வு அறிவிக்கப்பட்டுள்ளது.
3.15 லட்சம் உற்பத்தியாளர்கள் பயன்
ஏற்கனவே ரூ.38-ல் இருந்து ரூ.41 ஆக உயர்த்தப்பட்ட நிலையில், தற்போது மேலும் ரூ.3 உயர்த்தப்பட்டுள்ளதால், பால் கொள்முதல் விலையில் மொத்தமாக லிட்டருக்கு ரூ.6 அதிகரிப்பு கிடைத்துள்ளது. இதன் மூலம் பால் உற்பத்தியாளர் கூட்டுறவு சங்கங்களைச் சேர்ந்த சுமார் 3.15 லட்சம் பால் உற்பத்தியாளர்கள் பயனடைவார்கள் என தெரிவிக்கப்பட்டுள்ளது.
