Technical Glitch air India flight : கொச்சியில் இருந்து அபுதாபி நோக்கி புறப்பட்ட ஏர் இந்தியா எக்ஸ்பிரஸ் விமானம், நடுவானில் ஏற்பட்ட தொழில்நுட்ப கோளாறு காரணமாக மீண்டும் கொச்சி விமான நிலையத்திற்கே திரும்பியது.
என்ஜின் எண்ணெய் அளவு திடீர் சரிவு
விமானம் புறப்பட்டு சுமார் 50 நிமிடங்களுக்குப் பிறகு, 36,000 அடி உயரத்தில் பறந்து கொண்டிருந்தபோது, ஒரு என்ஜினில் எண்ணெய் அளவு வேகமாகக் குறைந்து வருவதை விமானிகள் கவனித்தனர். இதையடுத்து விமானத்தை தொடர்ந்து இயக்குவது குறித்து பாதுகாப்பு மதிப்பீடு மேற்கொள்ளப்பட்டது.
பாதுகாப்புக்காக என்ஜின் நிறுத்தம்
எண்ணெய் அளவு தொடர்ந்து குறைந்த நிலையில், பாதிக்கப்பட்ட என்ஜினின் எண்ணெய் அழுத்தம் ஆபத்தான அளவை எட்டியது. இதையடுத்து அந்த என்ஜின் நிறுத்தப்பட்டு, விமானத்தை கொச்சிக்கு திருப்ப விமானிகள் முடிவு செய்தனர்.
கொச்சியில் பத்திரமாக தரையிறக்கம்
பாதுகாப்பு நடைமுறைகளைப் பின்பற்றி விமானம் மீண்டும் கொச்சி சர்வதேச விமான நிலையத்திற்கு திரும்பியது. விமானம் பத்திரமாக தரையிறங்கியதாக தகவல்கள் தெரிவிக்கின்றன. சம்பவம் தொடர்பாக விமானத்தில் தொழில்நுட்ப ஆய்வு மற்றும் பராமரிப்பு பணிகள் மேற்கொள்ளப்பட உள்ளன.
