Apple Event 2026: செப்டம்பர் 9-ம் தேதி நடைபெறும் சிறப்பு நிகழ்வில் iPhone 18 Pro சீரிஸ், மடிக்கக்கூடிய iPhone Ultra, Apple Watch Series 12, AirPods 5 உள்ளிட்ட புதிய சாதனங்களை ஆப்பிள் அறிமுகம் செய்யலாம் என எதிர்பார்க்கப் படுகிறது.
ஆப்பிள் நிறுவனத்தின் அடுத்த பிரம்மாண்ட தயாரிப்பு அறிமுக நிகழ்வுக்கான தேதி அதிகாரப் பூர்வமாக அறிவிக்கப் பட்டுள்ளது.
வரும் செப்டம்பர் 9, 2026 அன்று நடைபெறும் சிறப்பு நிகழ்வில் புதிய iPhone மாடல்கள் மற்றும் பிற சாதனங்கள் அறிமுகமாகும் என எதிர்பார்க்கப்படுகிறது.
ஆப்பிள் நிறுவனம் நிகழ்வில் எந்தெந்த தயாரிப்புகள் அறிமுகமாகும் என்பதை முழுமையாக உறுதி செய்யவில்லை.
இருப்பினும், தொழில்நுட்பத் துறையில் வெளியாகியுள்ள தகவல்களின் அடிப்படையில் பல புதிய சாதனங்கள் அறிமுகமாகும் என எதிர்பார்க்கப்படுகிறது.
iPhone 18 Pro-வில் என்னென்ன புதிய அம்சங்கள்?
iPhone 18 Pro மாடலில் A20 Pro சிப், சிறிய Dynamic Island மற்றும் மாற்றியமைக்கப்பட்ட Camera Control பட்டன் இடம்பெறலாம் என தகவல்கள் தெரிவிக்கின்றன.
மேலும், புதிய Dark Cherry வண்ணத் தேர்வும் அறிமுகமாகலாம் என எதிர்பார்க்கப்படுகிறது.
iPhone 18 Pro Max மாடலும் இதேபோன்ற மேம்படுத்தல்களை பெறலாம். அதேநேரத்தில், இதில் பெரிய பேட்டரி மற்றும் பிரத்யேக variable-aperture கேமரா இடம்பெற வாய்ப்புள்ளதாக கூறப்படுகிறது.
முதல் மடிக்கக்கூடிய iPhone?
இந்த நிகழ்வில் அதிக எதிர்பார்ப்பை ஏற்படுத்தியுள்ள சாதனங்களில் ஒன்று iPhone Ultra.
இது ஆப்பிளின் முதல் மடிக்கக்கூடிய iPhone ஆக இருக்கலாம் என தகவல்கள் வெளியாகியுள்ளன.
இந்த மாடலில் 7.7 இன்ச் உள்புற டிஸ்ப்ளே மற்றும் 5.3 இன்ச் வெளிப்புற டிஸ்ப்ளே இடம்பெறலாம் என கூறப்படுகிறது. மேலும், இரண்டு பின்புற கேமராக்கள் மற்றும் Touch ID வசதியுடன் கூடிய Power பட்டன் இடம்பெறலாம் என எதிர்பார்க்கப்படுகிறது.
மடிக்கக்கூடிய திரைக்காக iOS 27-ல் புதிய மென்பொருள் வசதிகளையும் ஆப்பிள் வழங்கலாம். ஒரே நேரத்தில் இரண்டு செயலிகளை இயக்கும் side-by-side app support மற்றும் iPad போன்ற multitasking வசதிகள் இதில் இடம்பெற வாய்ப்புள்ளதாக கூறப்படுகிறது.
புதிய Apple Watch மாடல்கள்
Apple Watch Series 12-ம் இந்த நிகழ்வில் அறிமுகமாகலாம் என எதிர்பார்க்கப்படுகிறது.
இதில் மேம்படுத்தப்பட்ட S11 சிப், கூடுதல் பேட்டரி திறன், மேம்படுத்தப்பட்ட Fitness Tracking வசதிகள் மற்றும் Ceramic Case தேர்வு ஆகியவை இடம்பெறலாம்.
Apple Watch Ultra 4 மாடலும் S11 சிப் மற்றும் மேம்படுத்தப்பட்ட Fitness அம்சங்களுடன் வெளியாகலாம். Satellite வசதிகளும் மேம்படுத்தப்பட்டு, Satellite அடிப்படையிலான Apple Maps மற்றும் Image Messaging போன்ற வசதிகள் வழங்கப்படலாம் என தகவல்கள் தெரிவிக்கின்றன.
AirPods 5 அறிமுகமாகுமா?
புதிய AirPods 5 மாடலும் செப்டம்பர் நிகழ்வில் அறிமுகமாகலாம்.
இது இரண்டு வகைகளில் வெளியாகலாம் என எதிர்பார்க்கப்படுகிறது. அதில் ஒரு மாடல் வழக்கமான அம்சங்களுடனும், மற்றொரு மாடல் Active Noise Cancellation (ANC) வசதியுடனும் இருக்கலாம்.
அக்டோபரில் வெளியாகும் சாதனங்கள்
புதிய iPad mini, iMac, 14-inch MacBook Pro, MacBook Ultra, Apple TV, HomePod mini மற்றும் Home Hub உள்ளிட்ட மேலும் பல சாதனங்களையும் ஆப்பிள் உருவாக்கி வருவதாக தகவல்கள் வெளியாகியுள்ளன.
ஆனால், இவை அனைத்தும் செப்டம்பர் 9 நிகழ்வில் அறிமுகமாகாமல், அக்டோபரில் நடைபெறக்கூடிய மற்றொரு நிகழ்வில் அறிமுகப்படுத்தப்படலாம் என கூறப்படுகிறது.
ஆப்பிள் ரசிகர்களின் எதிர்பார்ப்பு அதிகரிப்பு
iPhone 18 Pro சீரிஸ் மட்டுமின்றி, ஆப்பிளின் முதல் மடிக்கக்கூடிய iPhone அறிமுகமாகும் என்ற தகவலும் இந்த நிகழ்வை மிகுந்த எதிர்பார்ப்புக் குரியதாக மாற்றியுள்ளது.
எனினும், மேற்கண்ட சாதனங்களின் பெரும்பாலான அம்சங்கள் மற்றும் விவரங்கள் தற்போது வெளியாகியுள்ள தகவல்கள் மற்றும் எதிர்பார்ப்புகளின் அடிப்படை யிலானவை. ஆப்பிள் நிறுவனம் அதிகாரப்பூர்வமாக அறிவிக்கும் வரை இவற்றை உறுதியான தகவல்களாக கருத முடியாது.
