பிரதமர் நரேந்திர மோடியின் 76-வது பிறந்தநாளையொட்டி, குடியரசுத் தலைவர் திரவுபதி முர்மு, துணைக் குடியரசுத் தலைவர் சி.பி. ராதாகிருஷ்ணன் தமிழக முதல்வர் விஜய் உள்ளிட்ட பல்வேறு அரசியல் தலைவர்கள் அவருக்கு வாழ்த்து தெரிவித்துள்ளனர்.
குடியரசுத் தலைவர் வாழ்த்து
குடியரசுத் தலைவர் திரவுபதி முர்மு தனது வாழ்த்துச் செய்தியில், பிரதமர் மோடி நல்ல உடல்நலத்துடனும் நீண்ட ஆயுளுடனும் தொடர்ந்து நாட்டுக்கு சேவையாற்ற வாழ்த்து தெரிவித்துள்ளார்.
காங்கிரஸ் தலைவர் மல்லிகார்ஜுன கார்கே மற்றும் மக்களவை எதிர்க்கட்சித் தலைவர் ராகுல் காந்தி ஆகியோரும் பிரதமர் மோடிக்கு பிறந்தநாள் வாழ்த்து தெரிவித்துள்ளனர். இருவரும் பிரதமருக்கு நல்ல உடல்நலம் மற்றும் நீண்ட ஆயுள் கிடைக்க வாழ்த்தியுள்ளனர்.
தமிழக முதல்-அமைச்சர் விஜய், முன்னாள் முதல்-அமைச்சர் மு.க.ஸ்டாலின் மற்றும் அதிமுக பொதுச்செயலாளர் எடப்பாடி பழனிசாமி ஆகியோரும் பிரதமர் மோடிக்கு வாழ்த்து தெரிவித்துள்ளனர்.
வலைதளத்தில் வாழ்த்து
முதல்வர் விஜய் தனது சமூக வலைதளப் பதிவு மூலம் பிரதமர் மோடிக்கு பிறந்தநாள் வாழ்த்து தெரிவித்துள்ளார். இந்தியாவின் வளர்ச்சி மற்றும் வலிமைக்காக பிரதமர் மோடி தொடர்ந்து பணியாற்றி வருவதாக அவர் தனது பதிவில் குறிப்பிட்டுள்ளார்.
நீண்ட ஆயுளுடன் வாழ வாழ்த்து
பிரதமர் நரேந்திர மோடி நல்ல உடல்நலத்துடன் நீண்ட ஆயுளுடன் வாழ வேண்டும் என்றும் முதல்வர் விஜய் தனது வாழ்த்துச் செய்தியில் தெரிவித்துள்ளார்.
மேலும், ரஷிய அதிபர் விளாடிமிர் புதினும் பிரதமர் மோடிக்கு பிறந்தநாள் வாழ்த்து அனுப்பியுள்ளார். இந்தியா–ரஷியா இடையேயான உறவை வலுப்படுத்துவதில் மோடியின் பங்களிப்பை அவர் குறிப்பிட்டுள்ளார்.
பிறந்தநாள் வாழ்த்துகளுக்கு பிரதமர் மோடி நன்றி தெரிவித்துள்ளார். மக்கள் அளிக்கும் ஒவ்வொரு ஆசீர்வாதமும் நாட்டுக்கு மேலும் அர்ப்பணிப்புடன் சேவையாற்றுவதற்கான தனது உறுதியை வலுப்படுத்துவதாக அவர் தெரிவித்துள்ளார்.
